RIMOWA 點解全部鎖都選用 TSA 鎖?TSA 鎖大解密!

RIMOWA 嘅行李箱基本上全部都係用 TSA 鎖。聽就聽得多,咁究竟乜野叫做 TSA 鎖,而呢一種鎖又有咩咁特別要注明呢? 喺美國 911 恐怖襲擊後,美國政府開始嚴格監管入境,對違禁及爆炸品都非常敏感同警剔。為左加強巡查效果,美國同特定國家都授權入境處人員打開旅客嘅行李箱去檢查入面嘅物件。而如果唔係用 TSA 鎖嘅行李箱,佢地係有權去爆開個行李箱同個鎖去進行檢查。 TSA 全名係 Transportation Security Administration,亦即係美國運輸安全管理局,TSA 鎖就係安全局認可嘅鎖。呢啲鎖嘅特別之處就係:佢同時有密碼鎖同鎖匙窿,但係一般民眾,就算係購買者同製造商都唔會有鎖匙,得政府嘅海關先會有嗰一套特製嘅萬用匙去開呢啲 TSA 鎖,所以配備呢款鎖嘅行李箱大家都可以用得安全又安心,唔怕會俾賊爆喼之餘,亦都唔使驚俾海關強行爆鎖整爛個行李箱!   而家除左美國之外,加拿大、英國、日本、荷蘭、德國以及澳洲等國家都有沿用 TSA 鎖嘅相關措施,如果要去呢啲地方嘅朋友,就要留意返自己個行李箱係咪配備 TSA Lock 喇! 至於點辨認呢,TSA 鎖會有大大個菱形紅寶石 logo 印喺個鎖上面,而鎖頭亦都有幾種款式。RIMOWA 所有嘅行李箱都係採用 TSA 鎖,保障返各位嘅行李箱唔會因為個鎖嘅問題而有任何損壞! 而其實 RIMOWA 唔同嘅喼都會因應返唔同嘅設計特式而用返唔同型號嘅 TSA 鎖, 確保唔會因為個鎖而影響美感,令你能夠使用最靚最安全嘅喼!以下係我地主要嘅鎖型,俾大家參考吓: 槓桿鎖:Original, Hybrid, Himbo, Supreme 系列 扣鎖式:Classic, Classic Flight 系列 拉鏈式鎖:Essential, Essential Lite, Essential Sleeve, Salsa, Salsa Air, Salsa Deluxe 系列
2021-06-04

RIMOWA 行李箱系列剖析!

各位熱愛 RIMOWA 嘅 fans 就當然知道 RIMOWA 近年對產品線進行過更新改版啦,仲十分熟悉各系列嘅分別添!但小編周不時都聽到有其他新入坑、又或者係剛剛開始對 RIMOWA 感興趣嘅朋友話唔太清楚其實咁多個系列有咩分別。今次就同大家深入剖析 RIMOWA 行李箱系列,等大家可以更了解呢個品牌啦! 🧳 ORIGINAL 🧳 首先要介紹嘅就當然係 Original 系列啦 ❤️ 其實 Original 係由改版前嘅 Topas、Topas Titanium同 Topas Stealth 三個系列組成。Original 係 RIMOWA 最熱賣嘅系列,以 RIMOWA 最出名嘅鋁鎂合金材質造,配有萬向輪及 TSA 海關鎖 🔒 佢亦係 size 最齊全嘅系列,連適合攝影師、樂手嘅器材箱都有! 🧳 CLASSIC 🧳 Classic 系列前身係 Classic Flight,屬於 RIMOWA 第二熱賣系列 🔥 佢採用聚碳酸酯材質,外觀方正 🔳,同Original最大嘅分別就係行李箱側邊同把手都係用皮革製造,望落就更 grand 啦 ☺️ 🧳 HYBRID 🧳 Hybrid 系列係 Original 同 Classic 嘅結合,箱身由聚碳酸酯材質造成,而四個角落就用鋁鎂合金,比起只用一種材質更活潑跳脫 💃🏻 而且成個系列仲係德國生產添呀!   🧳 ESSENTIAL 🧳 之後登場嘅係 Essential 系列 😚 Essential 系列本身已經色彩繽紛,而 RIMOWA 仲會根據唔同季節推出限定色,簡直係青春活潑嘅代表!例如之前推出嘅珊瑚橘、沙漠玫瑰、漿果紫等顏色,完全風靡全球 🌍 銀彈充足嘅話真係想帶曬佢哋返屋企 🤤 都係嗰句啦,易襯衫吖嘛 😎     🧳 ESSENTIAL LITE 🧳 Essential Lite 系列,顧名思義就係 Essential 系列嘅輕巧版啦 😉 而兩個系列最大嘅分別就係採用咗 T 字拉桿設計,可以作三段式調整,非常方便呢~不過就係因為要輕,入面嘅分格係最簡單的網格,裝嘢就可能易亂啲,不過 hand carry 就完美喇 💗     🧳 ESSENTIAL SLEEVE 🧳 最後就係 Essential Sleeve 系列喇 ❣️ 佢比起 Essential 同 Essential Lite 系列多咗個前置袋 👝 方便商務人士裝 iPad、文件等等,夠曬實用呀!不過就唔似其他系列有咁多 size 揀,Essential Sleeve 系列得只係得 hand carry size 揀咋!    睇完以上介紹,唔知邊款最啱你心水呢?快啲去 https://www.deluxury.com.hk/products 睇睇啦,而家好多款都做緊優惠呀!🤩🥰
2021-05-12

歐遊 x Shopping 好拍檔 – 究竟點先係一個完美嘅 shopping 喼 ❓

好耐冇去旅行喇 😭 呢一年因疫情關係冇得周圍去,連打扮下自己影靚相嘅心情都冇乜 😪 唔知你哋而家最想去邊度旅行呢?小編就最想去歐洲瘋狂 shopping 裝身影靚相 ❣️   講到去歐洲瘋狂 shopping,一個大喼簡直就係必備 ‼️ 擁有一個為歐遊 + shopping 而設嘅喼,一定可以令我哋更加輕鬆舒服咁享受假期 🥰 去歐遊,除咗感受當地風土人情、了解歷史文化之外,小編認為最緊要就係影到靚相同買到滿載而歸 😆 咁帶去嘅喼就一定要夠大啦~去前執行李唔使計住計住,驚帶到呢件大褸又冇位裝對靚鞋 🤦🏻‍♀️ 仲有啊,個喼唔夠大嘅話點裝得晒所有戰利品?😚   同時又唔可以咁重喎,你知啦,去歐遊通常都唔止去一個國家㗎嘛,個喼太重嘅話,就會好唔方便、拎得好辛苦㗎喇 😣 所以,一個完美 for 歐遊 + shopping嘅喼,最緊要就係:夠 ❗ 大 ❗ 夠 ❗ 輕 ❗   今日就同大家講講三大 luxury brands 嘅托運行李箱,分別係 Samsonite LITE-BOX (124L)、TUMI 19 Degree Aluminum Worldwide Trip Packing Case (122L) 同埋 RIMOWA Original Trunk XL (130L) 💗     🧳 Samsonite LITE-BOX 81cm 採用嘅物料令佢夠曬輕,只有3.5kg,輕輕鬆鬆就拎得起~尺寸係 81 x 53 x 31cm,容量係 124L。呢款都算係比較常見嘅款式,有人就話設計比較普通,不過設計呢啲嘢就見仁見智啦。同埋佢採用較輕嘅物料亦令佢嘅抗衝撞性未必有咁強,想長用嘅就最好考慮埋呢一點啦!   🧳 TUMI Worldwide Trip Packing Case 尺寸係86 × 56 × 32 cm,容量係122L,不過略嫌重咗啲,行李由鋁製作,重量高達 9.59kg!咩都未裝已經咁重,袋埋戰利品實拎得好辛苦,如果冇男士同行,小編都奉勸各位要睇住重量買嘢,如果唔係拖住個喼出入就好困難啦!   🧳 RIMOWA Original Trunk XL 比 TUMI 嗰款仲大,80 × 43.5 × 46 cm,尺寸差不多,不過容量再多 8L,有 130L 嘅容量 😍 夠曬我帶足夠嘅靚衫去影靚相,再瘋狂 shopping 帶好多戰利品返香港 😍 而且同樣都係鋁製,RIMOWA 仲輕過 TUMI 一大截,只係6.8kg 重 ‼️ 夠大又夠輕,簡直係一個為歐遊shopping而設嘅喼 💗    加上作為 RIMOWA 經典款鋁製行李箱,外觀夠晒複古有型,仲非常耐用,唔單單係歐遊,不論係去邊旅行都咁襯咁啱使!
2021-04-15

Hand Carry 行李喼大比拼!邊款最啱你心水?

雖然而家去唔到旅行住,不過外國有唔少大學都準備開學, 例如美國、加拿大、法國同澳洲等地方。大多數人都會提早去到目的地,做好準備。除咗簽證,住宿及機票外,收拾行李亦極為重要。 無論係去旅行定係去讀書,搭飛機都最怕一袋二袋。今次就為大家介紹三款各有特色嘅 Hand Carry 行李箱啦!   首先係 RIMOWA Original Cabin S 21" 31L 登機箱, 係經典系列中體積最細嘅 Hand Carry 行李箱,尺寸及體積分別為 21吋及 31L。 呢款行李箱最大嘅特點就係厚實,唔洗怕搬嚟搬去整花哂。佢係由鋁所製成,所以係三款行李箱中第二重嘅,重量為 4.2kg。Original Cabin 有三種顏色,分別係銀色、鈦金色及黑色,啱哂成熟穩重嘅你。原價 HKD$8,150,優惠價只需 HKD$5,705。   之後要介紹嘅係 RIMOWA Essential Lite Cabin 21" 37L 登機箱,係經典系列中體積最大嘅 Hand Carry 行李箱,21 吋嘅 size 裝到 37L 嘅嘢!呢款行李箱最大嘅特點就係輕巧,由聚碳酸酯所製成,係三款行李箱中最輕嘅,只有 2.2kg。原價 HKD$4,200,現優惠價 HKD$3,360,有六種顏色,分別係藍色,黑色,綠色,白色,紅色及冰川藍,最啱身型嬌小愛輕便嘅旅客。 最後想介紹俾大家嘅係一款 Special Edition 行李箱,由 RIMOWA 同 Supreme 聯乘出品嘅 Cabin Plus 22" 49L 登機箱!呢款係三款 Hand Carry 行李箱入面體積最大嘅 —— 22 吋、49L。佢同樣係由鋁製成,所以比其他兩款重,重 4.7kg。呢款特別版嘅價錢係 HKD$27,999,只有一款顏色(黑色),十分型格特別,完全唔需要擔心同人撞款啦! RIMOWA 嘅行李箱均設有滾輪及多段式手柄,靈活性高,能讓旅客安靜輕鬆地拉動行李箱。而且以上三款 Hand Carry 行李箱都有 RIMOWA 全球原廠五年保養,以及 TSA 密碼鎖,方便旅客於安全檢查時開啟行李箱。 一於買返個手提喼,從此唔使再等寄艙行李,輕輕鬆鬆出入機場!
2021-02-10